khadanovich (khadanovich) wrote,
khadanovich
khadanovich

Рышард Крыніцкі па-беларуску

265.50 КБ

Кніга выбраных вершаў аднаго з найлепшых польскіх паэтаў.
Кніга ёсьць (праз шэсьць дзён - і ў продажы).
Віншаваньні прымаюцца. Распаўсюд інфармацыі вітаецца.

Рышард Крыніцкі. Дакрануцца. Выбраныя вершы. Менск, Логвінаў, 2013.
Пераклаў з польскай Андрэй Хадановіч.
Пераклад зроблены паводле: Ryszard Krynicki. Wiersze wybrane. Kraków: Wydawnictwo a5, 2009.

Рэдактар Уладзімер Арлоў.
Дызайн вокладкі - Сяргей Ждановіч.
Вёрстка - Кацярына Пікірэня.
Карэктарка Алена Пятровіч.

Прэзэнтацыя кнігі адбудзецца
у межах “Месяца польскай літаратуры”
8 кастрычніка,
а 19.00,
у “Галерэі Ў”,
з удзелам аўтара і яго беларускага перакладчыка.


ХТО ВЫБІРАЕ САМОТУ

Хто выбірае самоту – ня будзе самотны.
Хто выбірае бяздомнасьць – дах сьвету атрымае над галавой.
Хто выбірае сьмерць – той застанецца жыць.
Каго выбірае сьмерць – той памрэ,

толькі памрэ.


МАЎЧЫ

Цсс… маўчы, караедзе,

цэнзар піша
пра свабоду слова


ЗДАВАЛАСЯ

А ўжо здавалася, што ўся Польшча
набярэ ў рот вады
і будзе зноў ад мора да мора.


Рышард Крыніцкі (нар. у 1943) – выбітны польскі паэт, а таксама перакладчык і выдавец паэзіі, адзін зь лідэраў літаратурнай групы “Новая хваля”. Дэбютаваў у 1968 годзе зборнікам “Шал пагоні, шал уцёкаў”. У 1970-х гадах быў зьвязаны з апазыцыяй, таму ў 1976—1980 гадах трапіў у “чорны сьпіс” і не друкаваўся ў Польшчы. Аўтар зборнікаў паэзіі “Пасьведчаньне аб нараджэньні” (1969), “Калектыўны арганізм” (1975), “Нашае жыцьцё расьце” (1978), “Не нашмат болей” (1981), “Калі ў нейкім краі” (1982), “Уратаваньне зь нябыту” (1983), “Вершы, галасы” (1985), “Магнэтычны пункт” (1996), “Не зашкодзіць” (2002), “Камень, шэрань” (2005) і інш. Ляўрэат шматлікіх літаратурных узнагародаў, сярод якіх прэмія фундацыі імя Касьцельскіх і прэмія польскага ПЭН-клюбу.

Subscribe
  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 1 comment