March 16th, 2012

canabis

Узнагарода

65.21 КБ

Шчыра віншую шаноўных Паўла Касьцюкевіча, Альгерда Бахарэвіча і Андрэя Федарэнку зь І-й, ІІ-й і ІІІ-й прэміяй Гедройца!
Па-мойму, заслужаная ўзнагарода за добрыя кніжкі. Віншую таксама ўсіх фіналістаў!

Дзякуй акторам-купалаўцам і музыкам з "Рацыянальнай дыеты" за дапамогу!

Дзякуй шаноўным калегам з журы, якія ад пачатку да канца імкнуліся быць аб'ектыўнымі - наколькі гэта магчыма ў такой суб'ектыўнай справе, як ацэнка творчасьці!

Дзякуй сакратарцы прэміі Марыі Мартысевіч, без ударнай і не заўсёды ўдзячнай працы якой усё магло б быць нашмат горш!

Дзякуй Сомбелбанку і ўроцлаўскаму Калегіюму Ўсходняй Эўропы за не абы-якое матэрыяльнае напаўненьне ўзнагароды!

Дзякуй польскім дыпляматам і асабіста амбасадару Лешку Шарэпку!

Вялікі-вялікі дзякуй усім пісьменьнікам і чытачам, якія не засталіся ўбаку, а цікавіліся, сачылі, хваляваліся, падтрымлівалі, шчыра радаваліся за калегаў, зласьлівілі, пляткарылі, зайздросьцілі, разважалі пра несправядлівасьць прэміі і стылістычныя недахопы пераможцаў!

Вашая неабыякавасьць - найлепшая падтрымка і рэкляма беларускай літаратуры! З такім капіталам у беларускіх аўтараў абавязкова зьявяцца новыя ўзнагароды, стыпэндыі і кнігі, кнігі, кнігі - у Беларусі, Польшчы і шмат дзе яшчэ!

252.67 КБ

http://generation.by/doc14-592.html
http://nn.by/?c=ar&i=69520
http://www.svaboda.org/content/article/24502719.html