February 15th, 2012

canabis

Адказ Карамазава на рэцэнзію Рублеўскай

Цяжка быць беларускім крытыкам. Бо беларускія пісьменьнікі - народ крыўдлівы. Хваліш іх, хваліш, але крыху недахваліш - і абавязкова пакрыўдзяцца.

Калі сур'ёзьней, то выглядае на тое, што рэцэнзія - толькі нагода, а праўда ў тым, што на момант зьяўленьня рэцэнзіі шаноўны Віктар Філімонавіч ужо ведаў, што ня трапіў у шорт-ліст. Ну і пад раздачу трапіла ні ў чым не вінаватая рэцэнзэнтка.

Іронія лёсу ў тым, што якраз Людміла Рублеўская як удзельніца журы да апошняга змагалася за тое, каб раман Карамазава ў гэты шорт-ліст увайшоў. Можа быць, я не павінен быў гэтага агучваць, але, што называецца, не магу маўчаць.


Originally posted by maryjka_ at "КАРОЛЬ ЛІР" НА КОНКУРСЕ ЕЖЫ ГЕДРОЙЦА
Мы перапыняем трансьляцыю рэцэнзій на кнігі намінантаў Літаратурнай прэміі Гедройца для экстраннай публікацыі. Віктар Карамазаў не пагаджаецца з рэцэнзіяй Людмілы Рублеўскай на яго кнігу "Мастак і парабкі" і адказвае на яе адмысловым допісам. Шэкспіраўскія жарсці на блогу прэміі!



ІЗНОЎ ДЗЯЛЬБА КАБАНЧЫКА?
АЛЬБО ЧАМУ Я АДМОВІЎСЯ АД ПРЭЗЕНТАЦЫІ СВАЙГО РАМАНА НА КНІЖНЫМ КІРМАШЫ І АД ДАЛЕЙШАГА ЎДЗЕЛУ У ЛІТАРАТУРНЫМ КОНКУРСЕ ІМЯ ЕЖЫ ГЕДРОЙЦА


Вядома, палякі не вінаватыя за тое, што сёння адбываецца ў беларускай літаратуры. 

Яны зрабілі выдатны крок, каб паспрыяць нам, даўшы магчымасць наладзіць конкурс імя Ежы Гедройца.. За гэта мы ім павінны быць удзячныя. Але я прадчуваю, ды ужо і бачу па рэцэнзіі на раман "Мастак і парабкі”, што гэты конкурс выявіць не столькі здабыткі беларускай літаратуры, колькі заганны маральны стан нашай шматпакутнай літаратуры.