January 20th, 2009

nohi

Зацікаўленасьці (78):

Вырашыў – не прайшло і двух гадоў – запоўніць свой “профіль”, і пачаў з інтарэсаў. Але не сышоўся з ЖЖ у поглядах на парадак іх запаўненьня. Яны думаюць, што ашчасьлівяць мяне, аўтаматычна разьмяшчаючы інтарэсы ў алвафітным парадку. А мне хацелася вынесьці нешта важнае наперад, а нешта яшчэ выжнейшае ў канец. Карацей, цяпер гэты сьпіс у мяне проста ў біяграфіі і, зразумела, без усякіх там супадзеньняў. Што ж, хай будзе ўнікальным. :)

 
літаратура, вершы, багдановіч, купала, колас,
сінія касачы, шыпшына, чытаць уголас,

дантэ, шэксьпір, іліяда, моцарт, сакрат, 
                              аффтар выпей йаду,
андэрсэн, казка бочкі, бачонак амантыльяда,

пушкін, ліцэй, каханьне, анакрэонтыка, лесбас,
п’яны карабель, заблуканы трамвай, 
                            трыццаць восьмы тралейбус,

кніжны развал, блышыны рынак, сьвет як супэрмаркет, 
зьбіраць пазлы, зьбіраць грыбы, зьбіраць паштовыя маркі,

пераводзіць гадзіньнікі, перакладаць бадлера,
пир во время чумы, каханьне падчас халеры,

культурна адпачываць, пахмельле, запой, печая,
ядвігін ш., пінігін м., анегін я.,

віктар шалкевіч, шалікі, дранько-майсюк, дранікі,
пад’ёмныя краны, стоп-краны, газавыя кранікі,

вершы быкава, дуліны, знак бядулі,
слухай бацьку, палёт над гняздом зязюлі,

людзі на балоце, сэрца на далоні, 
                        сена на асфальце, сарока на 
шыбеніцы, лілі марлен у перакладзе с.жадана,

сэтан-томпсан, біанкі, белы бім-шэрая шыйка,
паэзія як здабыча радыю, радыё марыйка,

жан марэ, гойка мітыч, кірк дуглас, ален дэлон,
веславаньне, футбол, біятлон, біятлон, біятлон,

сьвяткаваньне калядаў да самага новага году,
творчасьць, любімая праца, мама, сябры, свабода,
хадановіч алена, марына шода.