September 6th, 2007

nohi

Ад панядзелка да панядзелка…

Міла сустрэліся і пратрындзелі
зь вечара пятніцы і да нядзелі.

Зранку – званок, і трывае гаворка
ўвесь панядзелак і частку аўторка.

Думалі скончыць, бо заўтра ж на працу.
Зрэшты, пасьпеем на працу сабрацца!

Шмат тэмаў ззаду, ды шмат яшчэ сьпераду.
Добра пра грошы гаворыцца ў сераду.

Спорт абмяркоўвалі цэлы чацьвер,
потым я тэму зьмяніў: што я – зьвер?

І перайшлі на знаёмыя задніцы:
выйшла якраз да сярэдзіны пятніцы.

Потым пайшло аб адзежы і ботах.
Ну а пра што гаварыць па суботах?

Трэба завязваць, бо ноч панядзелка:
я ж не трындзелка і ты не трындзелка!

Ну й на астачу – пра сьвяты й гасьцей.
Тэма аўторка: звані мне часьцей!..

І разьвіталіся, як назаўжды –
да серады.